Viaqua avanza firme no seu plan de mellorar a experiencia dos seus clientes con novas canles de comunicación

A compañía integra novos idiomas na atención telefónica, alcanzando xa as 15 linguas distintas coas que atender aos seus clientes.

 


|

A compañía integra novos idiomas na atención telefónica, alcanzando xa as 15 linguas distintas coas que atender aos seus clientes.

 

Unha canle de WhatsApp, atención en lingua de signos ou facilidades para as familias en situación de vulnerabilidade son outros dos moitos campos nos que fortalece a atención ao seu público.  

 

Viaqua atenciu00f3n
Viaqua ofrece solucións cunha atención cómoda para os seus clientes | Foto: Viaqua

 

Viaqua recolle o que sementa. Froito da súa aposta por mellorar o servizo que prestan aos seus clientes, chegan os galardóns, como o concedido pola Asociación para o Desenvolvemento da Experiencia de Cliente. Pero nin os premios poden explicar o esforzo que está a realizar a compañía para integrar a todos os usuarios do servizo que prestan, poñendo á súa disposición a atención telefónica en ata 15 idiomas, a videochamada con lingua de signos, un servizo que xa existía nas principais oficinas, e a canle de WhatsApp.

 

As posibilidades son moitas e están enmarcadas no programa ‘Viaqua Contigo’, co que a empresa se sitúa á vangarda no referido á atención ao cliente, poñéndoo no centro da actividade. 

 

Así, a cidadanía dispón dunha “atención multicanle, adáptase ás necesidades de cada cliente, ofrecendo unha atención personalizada, inclusiva, áxil e profesional para non deixar a ninguén atrás e que agora se ve reforzada”.

 

“Para solicitar o tipo de atención, o usuario pode facelo ao concertar a cita previa a través da web da compañía. Esta medida pon en valor a inclusión das persoas xa que ten en conta todas as posibles situacións de vulnerabilidade”, explican desde a firma. 

 

FERRAMENTAS DIXITAIS

O aproveitamento das ferramentas dixitais é un gran valor, abríndose así a todos os públicos e eliminando as barreiras que poden atoparse as persoas inmigrantes cun dominio baixo do galego ou o castelán. Tamén para eliminar os impedimentos que poden provocar as discapacidades auditivas, o servizo de vídeo atención por lingua de signos supón un gran avance para moitos usuarios, grazas ao convenio alcanzado coa Federación de Asociacións de Persoas Xordas de Galicia (FAXPG).

 

Ao tempo, a canle de WhatsApp permite unha comunicación áxil e fluída, como tamén o permiten a opción de realizar xestións de forma remota, sen a necesidade de desprazarse a algunha das moitas oficinas presenciais das que dispón Viaqua para atender aos seus clientes. 

 

Doutra banda, desde a empresa non descoidan que, nestes momentos de inflación e crise, moitas familias poidan verse nunha situación de vulnerabilidade, polo que traballan para asegurar que as persoas que non poden facer fronte ao pago do servizo poidan coñecer as axudas e facilidades de pago dispoñibles para axudarlles a xestionar a súa situación: tarifas e fondos sociais, pago fraccionado da factura, aprazamento e fraccionamento de débeda sen intereses, entre outras medidas.

 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE