O Corte Inglés chea o seu escaparate para o Día da Nai con moda, xoias, tecnoloxía e até unha viaxe ao Caribe

O vínculo cotián entre nais e fillos volve ser o fío condutor da gran campaña comercial de primavera do Corte Inglés. Baixo un ton próximo e optimista, a compañía despregou até o próximo 3 de maio unha proposta que abarca moda, beleza, tecnoloxía, deporte, gastronomía e libros, con ofertas pensadas para distintos perfís e orzamentos nos seus centros galegos de Santiago de Compostela, A Coruña e Vigo.

A iniciativa combina o compoñente emocional —resaltando os pequenos xestos e a construción de recordos compartidos— cunha ampla oferta de compra difundida en medios audiovisuais, redes sociais e espazos físicos. Segundo datos da propia compañía, a do Día da Nai é unha das campañas máis importantes do seu calendario anual, só por detrás da de Nadal.

En moda e complementos, a selección inclúe vestidos da liña Woman O Corte Inglés, camisetas da mesma firma e pantalóns de Southern Cotton. Os bolsos de Latouche e os panos de seda completan unha proposta orientada a distintos estilos. As firmas Guess, Furla e Gucci tamén están presentes na área de complementos, e a zapatería ofrece sandalias e zapatos de Latouche e clásicos destalonados de Tintoretto.

DESCONTOS EN XOIAS E BELEZA

A área de xoiaría inclúe aneis de ouro das liñas O Corte Inglés e Diamonds O Corte Inglés con rebaixas de até o 20% en artigos seleccionados. En beleza, destaca o eau de parfum Good Girl Jasmine Absolute de Carolina Herrera e o secador profesional Speed de GHD, cun 20%  de desconto durante a campaña.

Na área de deportes, marcas como Adidas, Nike, Under Armour, Bull Padel e Garmin suman zapatillas, roupa técnica e accesorios para todo tipo de actividade física. A aposta tecnolóxica céntrase no Samsung Galaxy S26 Ultra de 512 GB cunha importante rebaixa se entregamos o dispositivo antigo.

LIBROS, BAÑO E LENCERÍA

Para quen prefiran regalar cultura, O Corte Inglés propón A educación do Monstro, o último Premio Primavera de Novela da actriz Elvira Mínguez A área de baño e lencería incorpora o bañador moldeador da marca Énfase, unha opción orientada especialmente ao comezo da tempada estival en Galicia.