UUAA reclama de "forma urxente" medidas para atallar a enfermidade hemorráxica epizoótica

Unións Agrarias advertiu de que o próximo 20 de setembro mobilizarase en Santiago de "non concretar de maneira urxente" un panel de medidas que "atallen o descontrol" da enfermidade hemorráxica epizoótica (EHE), que está a levar a unha "situación límite" as explotacións de vacún de carne e leite de Galicia.

A organización lembrou, nun comunicado, que o próximo 8 de setembro finaliza a prórroga que permite o movemento de animais sen estar vacinados contra a doenza da lingua azul, polo que todas as explotacións que teñan animais afectos pola EHE e por tanto "non poidan vacinar" contra a lingua azul, "quedarán bloqueadas semanas coas perdas" que iso leva para cada granxa.

"A falta de protocolos claros por parte da Consellería do Medio Rural e na xestión da EHE e doutra banda a inacción tanto da Xunta como do Ministerio de Agricultura á hora de publicar as axudas está a levar a 27 comarcas gandeiras a unha situación límite", alertou as UUAA.

A organización instou á Xunta a actualizar os importes das indemnizacións por EHE de forma que cubra tanto a totalidade dos custos ocasionados polo tratamento desta doenza como á desinfección nas explotacións, os abortos e o lucro cesante.

VACINA ÚNICA FERRAMENTA
Por outra banda, a Asociación Agraria de Galicia explicou que as vacinas son "practicamente a única ferramenta" para loitas contra as enfermidades vectoriais e de natureza multi-hospedador, como a enfermidade hemorráxica epizoótica (EHE) ou a lingua azul, segundo subliña a Organización Colexial Veterinaria (OCV).

Ambas son enfermidades compartidas por rumiantes silvestre e domésticos, transmitidas por pequenos díptero do xénero Culicoides, con presenza en España e xa en Galicia.

Por iso, con respecto á EHE, Asaga considerou prioritario vacinar á gandaría de bovino das provincias do norte do país "máis afectadas na actualidade" --o catro de Galicia, León, Asturias e Cantabria--.