Eólica mariña: os socialistas piden axudas concretas á pesca e critican o non rotundo do Bloque
Os partidos políticos galegos empezan a tomar posturas ante o desenvolvemento dun sector que podería ser clave no futuro económico de Galicia pero sobre o que existen moitas dúbidas sobre o seu impacto na pesca e o turismo. O Partido Popular mantén unha actitude ambigua indicando por unha banda que é unha oportunidade que non se pode perder e por outro sinalando que a Xunta non aprobará ningún parque que prexudique aos pescadores. Hoxe o PSOE de Galicia tamén mostrou unha actitude ambivalente e criticou á única forza que deixou constancia por agora do seu rexeitamento frontal.
O presidente da Deputación da Coruña e secretario xeral dos socialistas galegos, Valentín González Formoso, demandou "certezas" para o sector pesqueiro cos proxectos de eólica mariña, á vez que instou á ministra para a Transición Ecolóxica, Teresa Ribera, a manter unha reunión co Observatorio Eólico de Galicia.
O presidente da Deputación da Coruña e secretario xeral dos socialistas galegos, Valentín González Formoso, demandou "certezas" para o sector pesqueiro cos proxectos de eólica mariña, á vez que instou á ministra para a Transición Ecolóxica, Teresa Ribera, a manter unha reunión co Observatorio Eólico de Galicia.
A preguntas dos xornalistas, e tras unha reunión con representantes do sector pesqueiro na provincia sobre as novas axudas que convocará a Deputación coruñesa en materia de pesca, incidiu en que en Galicia esta actividade é "un sector estratéxico" polo que a implantación da eólica mariña debe facer "de maneira distinta".
"Falta pedagoxía para o sector, faltan certezas", sinalou Formoso quen destacou que por parte do sector non "hai cerrazón" ante a implantación da eólica mariña. No entanto, recalcou que debe facer de forma que "non impacte no seu modo de vida".
"Hai tempo dabondo para comprobar si ese proxecto -- dixo en alusión aos que se poidan implantar-- vai provocar algún dano". "Hai que implicar ao sector pesqueiro galego", engadiu Formoso para quen o Ministerio ten que explicar "de forma directa e xa" ao sector os plans previstos.
E é que desde o sector, o secretario da Asociación de Armaores de Cerco de Galicia (Acerga), Alberto Castro, lamentou que non se produciu este encontro a pesar das peticións de reunión que, segundo manifestou, expuxéronlle.
Escribe o teu comentario