Naturgy anuncia un investimento de máis de 100.000 euros para mellorar o suminsitro eléctrico en Cariño

O municipio coruñés beneficiarase destas melloras programadas para o lugar de Cabanán.

Naturgy proxecta "potenciar as infraestruturas de subministración de enerxía eléctrica e mellorar a rede de distribución, especialmente en zonas rurais".

Unión Fenosa Distribución (UFD), a distribuidora eléctrica de Naturgy, investiu 110.000 euros na mellora da subministración do lugar de Cabanán, pertencente ao municipio coruñés de Cariño.

En concreto, tal e como indica a compañía, reformou unha liña aérea e instalou un novo centro de transformación, co obxectivo de "asegurar a fiabilidade" da subministración e "minimizar os tempos de resposta ante calquera incidencia".

Esta actuación inclúese no plan de investimentos que cada ano deseña Naturgy para "potenciar as infraestruturas de subministración de enerxía eléctrica e mellorar a rede de distribución, especialmente en zonas rurais".

A compañía destaca que, nos últimos cinco anos, UFD investiu máis de 600 millóns de euros para mellorar o seu servizo e infraestruturas en Galicia. En 2021, o orzamento para estas actuacións situouse en 130 millóns, dos que 17 foron para automarizar e dixitalizar a rede.