Aviso especial de Tráfico aos que vaian a rallys este verán

O comandante do Subsector de Tráfico da Garda Civil, Miguel Martínez, indicou que máis do 90% de ralies, subidas e concentracións moteiras que se celebran na provincia de Pontevedra desenvólvense "sen novidade", pero tamén hai outras nas que o cumprimento das normas é "mellorable".

Para garantir a seguridade e o cumprimento das normas advertiu que a Garda Civil de Tráfico "vai ir con todo este verán, con xente de todos os destacamentos e até con reforzos se é necesario".

Ademais, pediu aos organizadores de ralis unha especial atención aos desprazamentos "intertramos", dado que é nestas estradas onde se producen condutas como as sancionadas no recente Rally de Pontevedra.

O comandante Martínez ha pariticipado este venres na reunión convocada polo subdelegado do Goberno, Abel Losada, á que acudiron 8 escuadras automobilísticas e outros 7 motoclubs, cun total de 25 persoas participantes.

Na reunión, a primeira destas características, participou tamén a xefa provincial de Tráfico, Paula Yubero que alertou de que o 50% da mortalidade nas estradas interurbanas da provincia correspóndese con usuarios vulnerables e, especialmente, con motoristas.

Neste encontro, o subdelegado pediulles axuda e o "máximo esforzo" para garantir a seguridade viaria na "periferia" dos eventos do motor, é dicir, tanto nos desprazamentos como nos comportamentos fóra da programación oficial.

Durante a reunión informouse que os controis por parte da Garda Civil vanse a intensificar despois do sucedido o pasado mes de xuño no Rally de Pontevedra, no que se interpuxeron 67 sancións, e a Concentración Moteira de Bueu, que se saldou con outras 33 multas.

Abel Losada explicou que a afección ao "mundo do motor" na provincia de Pontevedra, onde se celebran 15 ralis, subidas e concentracións anuais, require de "importantes recursos" para o seu control e vixilancia "e nada mellor que estreitar a colaboración cos organizadores, que son xente moi responsable, e os primeiros interesados en que este tipo de probas sexan seguras".

O subdelegado sinalou que a maior parte dos problemas prodúcense "ao redor destes eventos" e por parte do público asistente e recalcou, especialmente, que non hai o menor interese recadatorio, "pero si que hai todo o interese en garantir a seguridade viaria, que é algo que nos concierne a todos e todas".