Fútbol de Preferente a Primeira: Barbadás vs Valladolid, Arenteiro vs Almería ou Algar vs Celta, entre os partidos de Copa do Rei

Os cruzamentos disputaranse o fin de semana do 12 ao 13 de novembro. Arenteiro, Barbadás, Deportivo, Ourense e Coruxo, os únicos que xogan "en casa".

A UD Barbadás, que milita en Preferente, verase as caras co Real Valladolid. Outro de Preferente, o Algar murciano, será o rival do Celta de Vigo. O Almeria, un Primeira, medirase ao Arenteiro. 

A Copa do Rei é o torneo das sorpresas, e xa no seu primeiro gran sorteo deixou algunhas, con premios moi repartidos como no sorteo de Nadal. Humildes e xigantes crúzanse cada ano coa ambición de conquistar a copa da súa maxestade, só en poder do Deportivo da Coruña no que a equipos galegos refírese. Do Celta de Vigo, o único en Primeira, ao Barbadás, en Preferente Galega, aos conxuntos da comunidade espéralles unha boa dose de emoción nesta segunda rolda do torneo. 

PREFERENTE

A primeira rolda foi a que permitiu á Unión Deportiva Barbadás chegar até quí despois de deixar na cuneta ao Atlético de Lugones. Os de Barbadás foron os grandes premiados nesta ocasión, ao poder vivir un partido de fútbol de Primeira División. O cadro ourensán é un dos conxuntos máis modestos desta edición da Copa do Rei e no torneo do K.O. veranse as caras co Real Valladolid. 

O equipo dirixido por Pacheta e presidido por Ronaldo Nazario será o rival dos azuis, que aspiran a lograr as xentes ante un equipo recentemente ascendido a Primeira División pero que está a callar unha moi boa tempada e atópase nun gran momento de fútbol despois de despachar ao Celta de Vigo por 4-1 e á Real Sociedade por 1-0 nas dúas últimas xornadas. Sergio León, Roque Mesa, Shon Weismann ou Gonzalo Plata son algunhas das súas figuras. 

Tamén de Preferente, pero murciana, é o #CD Algar, un modesto equipo de Cartaxena que será a primeira pedra no camiño do Celta de Vigo na competición. Con preto de 8.000 habitantes, esta poboación cartaginense próxima ao Mar Menor terá a ocasión de ver en directo a Iago Aspas e compañía. 

No entanto, como as restricións na #RFEF son altas nos referido aos estadios, é probable que o partido se juege no Estadio de Cartagonova, e non no Sánchez Luengo. Ocorre o mesmo con Vos Carrís, que será substituído polo Couto para recibir aos valisoletanos, como confirmou o presidente do Barbadás.

DE SEDUDA #RFEF A SEGUNDA DIVISIÓN

Un par de divisións máis arriba atópase o Arenteiro, unha das sensacións este ano na Segunda #RFEF, onde comanda unha categoría con "cocos" da talla do Real Valladolid Promesas, Avilés ou Compostela. Os do Carballiño xa saben o que é xogar a Copa do Rei, onde calleron o ano pasado na prórroga plantando cara á Valencia. Nesta ocasión, o Mediterráneo volve visitar ao equipo verde, pero coa UD Almería como outro rival a abater de Primeira  en Espiñedo.

Na liga do Arenteiro está o rival do Deportivo da Coruña, o Guijuelo. Despois de coquetear durante uns anos co ascenso a Segunda, os salmantinos caeron relegados á cuarta categoría do fútbol nacional, da que tentan saír. 

Mentres, o Dépor necesita alegrías, e un estirón no que talvez pode ser o seu torneo fetiche pode ser o impulso que necesita esta camapaña. Tamén co Arenteiro comparten campionato Coruxo e Ourense CF, que tratarán de dobregar a Eldense e Alcorcón, respectivamente. 

O Racing de Ferrol, líder do Grupo I da Primeira #RFEF, visitará ao Sestao River, mentres que ao Pontevedra espéralle outra longa viaxe para xogar contra o Manresa. O #CD Lugo, pola súa banda, verase as caras coas Areas de Getxo, outro histórico do fútbol nacional -inaugurou A liga en 1929 e foi campión da Copa a principios de século-, vendio a menos nos últimos anos.