Programación do San Froilán 2024: Fillas de Cassandra, Mondra, Fetén Fetén, Dollar Selmouni, Sés, María Rodés...
O Concello de Lugo anuncia os concertos para as festas de outubro, cunha aposta decidida pola música do país.
As árbores tínguense con cores pardentas e cambiamos as sandalias polas botas de auga, pero nin a festa nin a música pairan en Galicia pese ao cambio de estación. E moito menos en Lugo , onde se preparan para os días máis importantes do ano, coa cidade engalanada para celebrar o San Froilán. Unha festividade que ten unha amplía proposta cultural, coa música como eixo central pero sen esquecer outras citas sinaladas, como o Domingo dás Mozas.
En outubro un lucense pode cruzar a cidade saltando de caseta en caseta ou entre tapas de polbo. A gastronomía non faltará nun municipio coñecido mundialmente pola calidade dos seus pratos, co acompañamento da mellor música, cos artistas máis relevantes da escena galega.
DE MARÍA RODÉS A TRIÁNGULO DE AMOR BIZARRO
O venres 4 de outubro arrincará a festa na Horta do Seminaria ás 22 horas a ritmo de Fillas de Cassandra. O dúo vigués, unha das formacións máis destacadas da música do país tras o éxito do seu 'Acrópole' e coas súas 'Últimas dionisíacas' enchendo teatros e prazas, aterra no San Froilán despois de presentar 'Maricarmen', o seu último tema versionando un clásico do Adhesivo. Esa mesma noite pero ás 23 horas, A Cadela Branco, que fará dobrete na comunidade despois de participar no ciclo de concertos Noites do Porto -25 de setembro, Garufa Club-, sairá a escena na Praza de Santa María.
Para sábado será a quenda de Dollar Selmouni, ás 23 horas. Trátase dunha das voces máis reclamadas do undeground español, con colaboracións con artistas da talla de Fernandocosta, JC Reyes ou Juancho Marqués. O domingo a inconfundible Sés transformará a Horta do Seminario desde as 22 horas nun canto á cultura galega, á resistencia e ao inconformismo.
Entre semana o ritmo non baixa e haberá actuacións na Praza de Santa María de Club do Río, María Rodés ou Fetén Fetén, os días luns 7, martes 8 e mércores 9 de outubro respectivamente. Xa para o xoves a nota musical poraa Triángulo de Amor Bizarro, cos boirenses celebrando os 20 anos da banda, mentres que o sempre transgresor Mondra, unha bocanada de aire fresco na escena galega tras a súa irrupción hai pouco máis dun ano co seu disco 'ARDĒN', botará a persiana o sábado ás 23 horas.
Pero como non só de música vive o garuleiro, en Lugo hai moitas máis citas ineludibles durante o San Froilán, como as casetas para probar un bo polbo á feira, as atraccións para os máis pequenos, espectáculos para todoa a familia e o 'Domingo dás Mozas', onde os traxes tradicionais tomarán as rúas.
Escribe o teu comentario