Fillas de Cassandra e Ruxe Ruxe, cabezas de cartel Festa folk de Fisterra

A Asociación Anchoa experimentou un cambio importante nesta edición, xa que os mozos asumiron a responsabilidade da organización da festividade. Co apoio dos veteranos, levaron adiante a planificación e aseguran que a tradición continúe cun cartel renovado.

A Festa folk na fin do Camiño comezará ás 13:00 horas do 19 de agosto coa actuación dos grupos de gaitas Fumes do Cal de Ameixenda e a charanga A Tripulasión de Fisterra

Pola noite, a partir das 21:00 horas, dará comezo o Festival Folk, o prato forte da xornada. Como sorpresa especial, os artistas locais Acrusdebaixar reuniranse para brindar unha actuación única. Tamén se contará coa participación de Óscar Ibáñez & Tribo, quen ofrecerán unha enérxica e creativa interpretación da música tradicional galega. Un estilo que tamén dominan as Fillas de Cassandra, que anda de xira por medio país presentando un dos discos máis importantes da música pop en galego estes anos,   "Acrópole", e Ruxe Ruxe, un grupo consolidado dentro da escena rock de música galega.

Con esta nova xeración ao mando, a Festa folk na fin do Camiño reafirma o seu compromiso co coidado do medio ambiente e promove unha festividade sen residuos. Nesta edición, utilizaranse vasos ecolóxicos obrigatorios para reducir a xeración de refugallos.