Enquisa xerais Galicia: Esborralle do PSOE e potente alza de Vox e Bloque

No desglose para Galicia do estudo de 40db publicado hoxe por Présa, a opción con máis peso son os que non votarían, faríano en branco ou dubidan. Estes indecisos  e afíns representan máis do 23%. É o único grupo que mostra unha tendencia constante á alza no últimos catro barómetros. Apréciase, por tanto, un aumento da desmovilizacion política.

Quen salgue prexudicado ante unha maior apatía? A gráfica mostra que o #PSdeG-#PSOE é o partido que máis porcentaxe de intención de voto perdeu neste período. A caída é enorme. Hai catro meses roldaban o 29% e agora non chegan ao 18%.

Máis estable móstrase a intención de voto do Partido Popular de Galicia. Os conservadores, como é tradición no país, serían os gañadores co 22%, practicamente o mesmo porcentaxe que hai un mes.

O gran beneficiado do retroceso socialista aparenta ser o #BNG. Os de Ana Pontón colócanse por primeira vez a tiro de perda dos socialistas. Hai que ter en conta que aínda que o nacionalismo galego ha cultivado máis votos que o PSdeG nas dúas últimas eleccións autonómicas, xamais adiantou ao PSOE nuns xenerais. O barómetro de hoxe apunta a que o sorpasso tamén sería posible nuns comicios estatais. 

Andan forte tamén os ultranacionalistas españois. O 12% de Vox nesta enquisa abre a porta a que consigan representación por Galicia. Hai que ter en conta que para entrar na regra matemática que se aplica á repartición de escanos é necesario superar un mínimo de 3% de votos por provincia. Cun 12% no conxunto das catro provincias de Galicia, os de Santiago Abascal parecen telo ao alcance da man; sobre todo, en principio na Coruña, que é a circunscrición onde se quedaron preto nas dúas últimas xerais.

As porcentaxes sumadas polo resto de partidos sitúanos moi lonxe de aspirar a conseguir un escano. Algo que é moi relevante a nivel estatal. Hai que lembrar que Sumar ten agora mesmo dous representantes pola Coruña e Pontevedra, incluído o escano da vicepresidenta, Yolanda Díez. 

Sumar segue próximo a irrelevancia lastrado, aparentemente, polos escándalos de Errejón e Moedeiro. A súa porcentaxe de intención de voto nas catro últimas enquisas non chega ao 5% nas catro provincias. 

Na esquerda de ámbito español parece que en Galicia se cambiaron tórnalas. Podemos, irrelevante nas últimas xerais, mantense por diante de Sumar por cuarto barómetro consecutivo. Agora ben, os números dos azamboados tamén son malos. Nin sequera cunha hipotética alianza con Sumar parecen en condicións de disputar un escano na autonomía. 

Acabouse a Festa tampouco está condicións de combater por unha acta en Galicia. Os de Alvise Pérez oscilan entre o 5% e o 1,7%. Agora ben, unha variable interesante é que unha hipotética coalición de SALF con Vox poría ao neofascismo cunha porcentaxe de voto similar ao nacionalismo galego e faría que a consecución dunha acta de deputado fose moi probable. 

A nivel do conxunto de España, non hai moitas oscilacións respecto de anteriores barómetros. Aínda que o PSOE aguanta relativamente ben con en torno ao 30% da intención de voto, Sumar e Podemos seguen con cifras próximas ás irrelevancia. Os azamboados quedarían co 3% e Sumar anda polo 5%. 

Cun PP estable en torno ao 32% e Vox en máximos desde que Donald Trump triunfou en Estados Unidos, o máis probable agora mesmo sería un goberno de Alberto Nuñez Feijóo en coalición con Santiago Abascal.

Mozos, estudantes e clase baixa son os máis desmovilizados

Os malos resultados da esquerda neste barómetro explícanse en boa medida pola desmovilización dalgunhas cohortes do electorado. En particular, os máis novos. 
 

Así, mentres a media de enquisados que está completamente seguro de que votará supera a metade dos entrevistados, entre os menores de 24 anos queda na contorna do 30%.

Unha tendencia que se confirma na análise por grupo sociolaboral. Os estudantes son os menos motivados para votar, non chegan ao 30% os convencidos do todo. 
 

Pola contra, son as persoas máis revellidas da poboación os máis prestos para acudir ás urnas. Case o 70% dos xubilados e dos electores maiores de 65 anos di que votará. 

Ademais, a clase alta presenta uns índices de propensión á participación electoral moito maiores. En termos xerais, canto máis diñeiro ten unha persoa e máis maior é, máis probabilidade hai de que vote.