García Teijeiro firma "O poder d fraxilidade" este mércores no Corte Inglés de Vigo

Falar de Antonio García Teijeiro é falar dunha das plumas máis prolificas da literatura galega. O vigués, escribiu máis libros que anos ten, e iso é moito dicir para alguén nacido en 1952. A tinta non se esgota na mente do olívico, que este mércores 19 de abril estará a asinar exemplares da súa última obra no Corte Inglés de Vigo. 

'O poder da fraxilidade', publicado este 2023, é a última composición de poemas do galego. "Hai táboa de salvación na escuridade, nas tebras? É o amor unha porta aberta á esperanza? Despois do camiño percorrido na única vida que nos toca vivir, queda algo daqueles soños da nenez, da mocidade, dos primeiros anos da adultez? É o noso paso pola vida o voo dun paxaro que ás veces volve ao niño e outras emigra e non sabemos máis del?", cuéstionase o autor na obra.

A firma de libros será na superficie comercial de Vigo ás 19:30 horas, na libraría situada na 5ª planta. "Polo camiño do incerto", "Chove nos versos" ou "Poesía Cromática" son algúns dos poemarios de García Teijerio, cos que se gañou o recoñecemento dos lectores e a admiración da crítica, que lle reportou diversos premios ao longo da súa carreira. Recentemente foi elixido pola Xunta para formar parte do xurado do Premio Internacional de Poesía Carlos Oroza.