Nuria López Presedo gaña o Premio de Xornalismo Cívico Alfredo Vicenti 2022
Nuria López gañou o premio polo seu podcast 'Historias dun país en guerra', publicado en Radio Galega Podcast
O xurado do Premio de Xornalismo Cívico Alfredo Vicenti 2022, organizado polo Ateneo de Santiago, outorgou o galardón a Nuria López Presedo polo seu podcast titulado 'Historias dun país en guerra'.
Este traballo contou con 35 episodios, publicados en Radio Galega Podcast e distribuídos nas plataformas de iVoox e Spotify nos pasados meses de maio e xuño. A través destas publicacións sonoras, a xornalista recolleu testemuños reais de distintas vítimas da guerra en Ucraína , mediante relatos de residentes do país, persoas que fuxiron ou teñen familia nel.
O xurado adxudicou tamén un accésit a Miguel Rodríguez Fernández e a Duarte Romero Varela polo traballo 'Cooperativas de vivenda en cesión de uso: unha alterantiva para un fogar alcanzable?'.
A entrega do galardón, que consiste en 1.000 euros e unha peza conmemorativa, terá lugar nun acto público que se celebrará na cidade de Santiago en próximo mes de decembro.
Escribe o teu comentario