Ethel Vázquez destaca a gastronomía como reclamo turístico de Galicia
Preto de 40 empresas do sector primario participan hoxe no Galicia Fórum Gatronómico, na Coruña
A conselleira de Infraestruturas e Mobilidad e o conselleiro do Medio Rural, José González, xunto coa directora de Turismo, Nava Castro, participaron hoxe nunha nova edición de Galicia Fórum Gastronómico, un evento que suma xa 20 convocatorias, as 4 últimas na cidade da Coruña. Vázquez aproveitou hoxe para destacar a gastronomía como un dos reclamos turísticos de Galicia, onde priman os produtos de proximidade e a cociña autóctona.
Na súa intervención, Ethel Vázquez destacou que este Fórum é un punto de encontro entre empresas e produtores e supón unha oportunidade de formación para os novos talentos nos distintos talleres programados.
Subliñou que o evento contribúe ao mellor escenario para a promoción dos produtos do mar e da terra maridados cos viños de denominacións de orixe protexidas. Lembrou tamén que a gastronomía, xunto coa natureza, é un dos principais motivos escollidos polos turistas para visitar Galicia, pois a comunidade está considerada como destino cunha cociña de calidade e sostible.
A conselleira puxo en valor que a comunidade galega conta con 16 Estrelas Michelin condedidas a 15 restaurantes e outros 37 con Soles Repsol, que acreditan a calidade da cociña, xunto cos 25 incluídos na categoría Bib Gourmand ou 3 con estrela verde, recoñecidos polo seu compromiso coa sustentabilidade.
Escribe o teu comentario