A asasinada na Coruña figuraba no sistema de seguimento integral de casos de violencia de xénero
A muller, asasinada presuntamente pola súa parella, estaba dentro do sistema VioGén. O home está pendente de pasar a disposición xudicial.
O home detido pola Policía Nacional da Coruña como presunto autor de matar a unha muller nunha vivenda do barrio da Sacra Familia con quen mantiña unha relación sentimental está pendente do seu paso a disposición xudicial.
En concreto, desde o Tribunal Superior de Xustiza de Galicia (#TSXG) precisaron que será este martes cando pase ante o Xulgado de Violencia sobre a Muller.
Segundo fontes consultadas por Europa Press, eran parella e o nome da vítima figuraba no sistema de seguimento integral de caso de violencia de xénero (VioGén). Trátase dun crime no que se está á espera de confirmar si é un asasinato machista.
Os feitos producíronse minutos antes das 07.00 horas deste domingo, o a rúa de San Isidro e foi o 112 Galicia o que recibiu a chamada de alerta.
O home foi detido no domicilio onde se produciu o crime. Agora, a Policía Nacional investiga os feitos e a relación entre a muller e o detido.
Escribe o teu comentario