Aparecen pintadas na Casa do Concello e o centro de saúde de Dodro

O Concello de Dodro denunciou a aparición de pintadas no edificio consistorial, así como no centro de saúde da localidade, nas que se pode ler '5 partidos 11 incompetentes. Dodro respectar', 'A sanidade é ou primeiro' ou 'Dodro merece respecto'.

Segundo informou o Concello, a Garda Civil traballa para atopar aos culpables. Así mesmo, o Sergas tamén foi avisado do sucedido.

O alcalde, Xabier Castro, mostrou a súa repulsa ante este tipo de accións. "A democracia ten suficientes mecanismos para que a cidadanía reclame o que considere. Este tipo de accións o único que fan é danar bens públicos que pertencen a todos os veciños", afirmou.

Así mesmo, lembrou que ás concentracións que se celebran ante o centro de saúde para "reclamar solucións" acoden "unidos" todos os partidos políticos, polo que cree que este tipo de pintadas "non teñen sentido ningún". Por mor destes feitos, o Concello avanzou que pedirá á Delegación do Goberno os permisos necesarios para colocar cámaras de seguridade.