Interceptadas na Coruña tres persoas que portaban dispositivos de vídeo nas probas teóricas do carné de conducir
A infracción leva unha contía de 500 euros e a prohibición de presentar novamente ás probas no prazo de 6 meses
Tres persoas foron interceptadas na Coruña mentres utilizaban dispositivos de vídeo durante as celebracións das probas teóricas para a obtención do permiso de conducir que se realizaban nas instalacións da Xefatura Provincial de Tráfico da Coruña.
Nun comunicado, o instituto armado explica que os feitos tiveron lugar cando os efectivos do Grupo de Investigación e Análise do Tráfico do Sector de Tráfico de Galicia realizaban as comprobacións pertinentes para detectar a comisión de posibles infraccións de caracter administrativo ou penal durante a realización destes exames.
No transcurso das probas, a Garda Civil localizou a tres homes que portaban escondido entre a súa vestimenta dispositivos de vídeo de tamaño reducido.
A Garda Civil procedeu á confección dos pertinentes boletíns de denunca por presunta infracción ao artigo 77 da Lei de seguridade viaria, que leva unha contía de 500 euros e a prohibición de presentar novamente ás probas no prazo de 6 meses.
Escribe o teu comentario