​Audasa aforra cada ano 173.000 euros de IBI en Vigo

|

Ap9 vigoEntrada da AP-9 en Vigo. Foto: @MareaVigo

O grupo municipal Marea de Vigo presentará unha moción para o seu debate no próximo pleno, co fin de que o goberno local inicie os trámites para eliminar a exención do 95 por cento do IBI á concesionaria da autoestrada AP-9, Audasa, unha iniciativa que xa foi aprobada no Parlamento de Galicia.


O portavoz de Marea, Rubén Pérez, sinalou a necesidade de modificar a normativa que permite á empresa beneficiarse desas exencións, sobre todo cando obtén beneficios millonarios cada ano, e é a concesionaria de autoestradas con máis reclamacións, con menos traballadores e a que ofrece "peor servizo" do Estado.


Segundo sinalou o concelleiro, esa bonificación permítelle a Audasa aforrarse cada ano uns 173.000 euros, só polos 9 quilómetros da autoestrada que transcorren no termo municipal de Vigo (calculando sobre unha media de 19.000 euros por quilómetro en toda Galicia).


Pola súa banda, o deputado de En Marea, Marcos Cal, recalcou que os beneficios que actualmente obtén Audasa "só se explican pola conivencia político-empresarial", e denunciou que a exención do IBI se converteu nun "copago" para os cidadáns dos municipios por onde pasa a autoestrada.



Cal subliñou que os números de Audasa arroxan un balance "propio dun monopolio", e lembrou que a concesionaria obtén "un 50 por cento de beneficios sobre a súa facturación, cando a media das empresas é do 7 por cento".


relacionada ​En Marea acusa a Feijóo de "exercer como xestor auxiliar" do "espolio de Audasa"
relacionada As peaxes da AP-9 subirán en dúas metades e non de golpe desde o 1 de xaneiro
relacionada ​Galicia quere cobrarlle a Audasa a subida das peaxes eliminando os seus "privilexios" co IBI

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress