O cárcere da Lama estuda a posibilidade de trasladar de novo a ‘O Chicle’

|


Teixeiro prision garda civil


José Enrique Abuín, alias ‘O Chicle’, pode estar a vivir os seus últimos días como preso na cárcere da Lama. A situación “especial” do presunto asasino de Diana Quer podería motivar o seu traslado a outra penitenciaría para que poida ser confinado nun modulo de illamento, unha opción que non dispón o centro penal galego. Por iso, barállase a posibilidade de trasladar de novo a ‘O Chicle’ á prisión de Estremera en Madrid ou de Salamanca, que se contan con ese tipo de dependencias.


De aprobarse o traslado, sería o segundo de ‘O Chicle’, que por motivos de seguridade xa foi trasladado da prisión de Teixeiro á Lama este mesmo xaneiro. Con todo, o carácter mediático do acusado pode ser un problema tamén lonxe de Galicia, xa que aínda que o primeiro traslado tamén estaba vinculado por posibles represalias por parte de membros do clan de ‘Vos Fanchos’ apresados en Teixeiro, a súa presenza nos medios de comunicación e a popularidade do ‘Caso Diana Quer’ pode provocar “vinganzas” por parte doutros presos.


Doutra banda, o traslado apartaría a José Enrique Abuín da súa muller e a súa filla, coas que tivo un encontro cando foron a visitalo á Lama. Ademais, de trasladalo a Madrid ou Salamanca, obrigaría no futuro para ter que desprazalo ata os Xulgados de Ribeira cando se celebre o xuízo pola morte de Diana Quer e os outros delitos que se lle imputan. 

relacionada A defensa da muller de ‘O Chicle’ solicita que se ratifique o seu sobresemento provisional
relacionada A moza de Boiro asaltada polo 'Chicle' reclama protección dada a presión dos medios
relacionada ​A petición a favor da prisión permanente revisable colle un novo impulso

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress