Krohn-Dehli reforzará o centro do campo do Dépor se os xeonllos non llo impiden
O Dépor anuncia a chegada do internacional danés, que perdeu o seu sitio no Sevilla por dous lesións graves.
Krohn-Dehli xogou en decembro contra o Dépor. Foto: RC Deportivo
O centrocampista internacional danés Michael Krohn-Dehli chega este luns á Coruña para pechar a súa fichaxe polo Dépor, tal e como informa o club herculino na súa web.
"Despois do acordo co seu equipo de procedencia, o Sevilla Fútbol Club, queda pendente que supere o recoñecemento médico ao que será sometido á primeira hora da tarde no Hospital HM Modelo para pechar a súa incorporación á disciplina branquiazul polo que resta de temporada e unha máis", explica o Dépor.
Krohn-Dehli deixa o Sevilla despois de dúas temporadas e media nas que a súa participación no equipo foi de máis a menos, a raíz de dúas lesións graves: unha fractura da rótula do seu xeonllo esquedo en abril de 2016 e a rotura do menisco da dereita en xaneiro de 2017.
En total, no Sevilla, Krohn-Dehli disputou 68 partidos, marcando 5 goles e dando 9 asistencias. Marcha co título de campión da UEFA Europa League da 15/16.
Escribe o teu comentario