A nova cidade deportiva do Celta, máis preto de facerse realidade

Fonte: RC Celta

A cidade deportiva do Celta está un pouco máis preto de facerse realidade, e é que este venres na sede social do equipo tivo lugar a firma do acordo entre a entidade presidida por Carlos Mouriño e a comunidade de Montes de Pereira (Mos). Agora, o club vigués dispón, en réxime de aluguer, dun total de 150.000 metros cadrados destinados á futura cidade deportiva.

Desta forma, hoxe foi "un gran día" para Carlos Mouriño, un venres no que se cumpren "once anos buscando alcanzar esa meta que conseguimos". Ve na firma do acordo algo "imparable", e que lles permitirá ter "deica pouco unha cidade deportiva tal e como viñamos pregoando, desexando e solicitando".

"O propósito final é que a final de ano ou a principios do próximo,xa poidan estar a adestrar nas novas instalacións os nosos equipos profesionais", afirmou.

O presidente da comunidade de Montes de Pereira, Carlos Sánchez, explicou que o acordo era "moi positivo tanto para a parroquia como para o concello de Mos", debido a que supoñerá importantes ingresos e unha gran publicidade para o nome de Mos.