​A Liga leva ante a Federación a acusación de racismo contra Aspas

Non hai imaxes que apoien a denuncia.

A liga de Fútbol Profesional remitiulle ao Comité de Competición da RFEF un escrito poñendo no seu coñecemento os supostos insultos racistas de Iago Aspas a Jefferson Lerma no encontro entre Celta e Levante.

O propio xogador denunciou os feitos que supostamente se produciron nun encontrón entre ambos. Segundo a súa versión, o dianteiro do Celta chamoulle "negro de merda".

"Xunto co escrito achegáronse as imaxes que puidesen recoller os feitos, así como as posteriores declaracións de ambos os xogadores", sinala o comunicado da patronal do fútbol español.

Lerma, con todo, desistiu de seguir adiante coa súa denuncia ao carecer de imaxes que demostren os citados insultos.