Aspas di que non lle chamou "negro de merda" a un futbolista do Levante

"Non vou reproducir o que el me dixo a min. En calquera caso, eu non lle chamei o que el me atribúe", sostén o xogador do Celta.


|

Iagoaspascelta


Tras a vitoria do Celta ante o Levante no Ciutat de València, o futbolista celeste Iago Aspas foi sinalado por, supostamente, dirixir comentarios racistas a un xogador do cadro valenciano durante a disputa do partido. O dianteiro respondeu a estas graves acusacións a través do club vigués.


“O que se di no campo, queda no campo. Por iso non vou reproducir o que el me dixo a min. En calquera caso, eu non lle chamei o que el me atribúe”, asegura Iago Aspas.

O xogador local Jefferson Lerma denunciou nos micrófonos de GOL que Iago Aspas lle chamara "negro de merda". "Quero facer unha denuncia. Aspas díxome negro de merda, e iso non pode ser", expresou. "As cámaras están aí e descubrirase", insistiu o futbolista do Levante.


O Celta remarca nun comunicado "a súa firme defensa do xogo limpo e o respecto entre rivais, tanto dentro como fóra do campo, valores que son aceno de identidade do club e que día a día poñen en práctica cada un dos conxuntos celestes, do benxamín ao primeiro equipo".


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE