​Dous detidos nun día por senllas agresións machistas

Un dos homes golpeou á súa ex parella en plena rúa e o outro, ademais de agredir, provocou desfeitas na súa vivenda.


|

PolicialocalcorunaA Policía Local recolleu as dúas denuncias.


Dous homes foron detidos na Coruña por senllos delitos machistas producidos nos barrios de Catro Camiños e de Monte Alto, segundo informa a Policía Local.


Ambos os feitos producíronse no mañá do venres, sobre as 9,00 horas. No primeiro deles, unha testemuña alertou dunha agresión en plena rúa en Catro Camiños.


Así, localizouse ao home tras facilitar o alertante a matrícula e automóbil do presunto agresor, un veciño de Ponteceso de 40 anos. Pola súa banda, axentes dirixíronse á vivenda da muller, ex parella do home, que asegurou que fora zarandeada e golpeada por este individuo.


Posteriormente, a muller foi acompañada a dependencias policiais para presentar denuncia contra a súa ex parella, mentres que o home foi detido por un delito de violencia de xénero e quedou nos calabozos para pasar a disposición xudicial.


Por outra banda, un home de 48 anos en estado agresivo atopábase aporreando un portal do barrio de Monte Alto. Os axentes póñense en contacto coa súa muller, que manifesta que o seu marido consome de forma habitual drogas e alcol.


Segundo o relato da muller, o home rompera mobiliario de madrugada, rompera a árbore de Nadal e os adornos, e pegáralle ao seu fillo de 11 anos. Por iso, procedeuse á detención deste home, denunciado por un delito de violencia de xénero.


relacionada Galicia ten a taxa de denuncias de violencia machista máis baixa de España
relacionada ​En 2018 Galicia terá un fiscal delegado contra a violencia machista
relacionada Igualdade asume que contra a violencia machista hai que "poñer o foco no maltratador"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE