A nai de Diana Quer provoca un 'efecto chamada' a favor da prisión permanente
Asina unha petición impulsada pola nai das nenas vítimas do parricidio de Moraña.
A petición duplica os seus apoios.
Diana López-Pinel sumouse a unha campaña que promove a través de internet que non se derrogue a pena de prisión permanente revisable, tal e como trata de conseguir a oposición no Congreso.
A petición que asinou a nai de Diana Quer impulsouna Rocío Viéitez, a nai das dúas nenas asasinadas por seu pai en Moraña en 2015. David Oubel foi declarado culpable o pasado mes de xullo.
Tal e como recolle La Voz de Galicia, a propia Diana López-Pinel difundiu este venres a través de Whatsapp o enlace para sumar apoios á iniciativa.
Despois diso, se o venres a petición sumaba máis de 17.000 firmas, este sábado pola mañá dobra esta cifra, con novos apoios cada minuto.
"David Oubel debe asumir a condena que lle foi imposta por un delito maior que se axusta por completo á pena que lle foi imposta", relata Rocío Viéitez na súa iniciativa, que apunta que en todo caso esta pena contempla que o reo poida saír do cárcere se "mostra signos de reinserción".
A nai das nenas asasinadas en Moraña pregunta: "Que outra pena merece?"
Escribe o teu comentario