O Supremo non cre a palabra de Junqueras e manteno en prisión provisional
O fiscal defendeu que segue habendo risco de reiteración delituosa, agravado por que poida chegar a presidir a Generalitat.
A Sala do Penal do Tribunal Supremo acordou este venres manter en prisión provisional a Oriol Junqueras polos delitos derivados do 'procés' e a Declaración Unilateral de Independencia de Cataluña.
A decisión adoptouse tras a vista de apelación na que o propio Junqueras se dirixiu ao tribunal nunha quenda de palabra na que se describiu como "home de paz" con conviccións relixiosas e apelou ao seu "civismo" e ao seu compromiso no "diálogo bilateral" para conxurar o risco de reiteración delituosa que o mantén no cárcere.
O fiscal do Tribunal Supremo Javier Zaragoza, defendeu o mantemento en prisión de Junqueras ao existir aínda risco de reiteración delituosa e ao consideralo ademais "promotor" dos feitos que derivaron na DUI. Apuntou tamén que este risco se ve agravado pola posibilidade de que o líder de ERC alcance a presidencia da Generalitat.
Escribe o teu comentario