​Renfe vende en menos de tres horas os últimos billetes de AVE a 25 euros

|

AverenfetrenRematan as promocións do 25 aniversario.


Renfe vendeu en dúas horas e 36 minutos os 50.000 billetes de AVE a 25 euros que lanzou na medianoite deste venres ao sábado no marco da iniciativa comercial coa que conmemora os 25 anos da posta en servizo da Alta Velocidade en España, segundo informou a compañía.


Trátase da novena e última quenda de billetes a este prezo único que a operadora vén poñendo á venda o día 25 de cada mes, aínda que nesta ocasión se adiantou uns días para non coincidir coa festividade da Noiteboa e o Nadal. Algo que tamén se fixo en xullo, o día 9, para aumentar a dispoñibilidade de billetes promocionais para ao verán.


Nesta ocasión, ás 00.00 horas a compañía puxo á venda 50.000 billetes, o dobre que en anteriores ocasións, para viaxar en todos os trens de Alta Velocidade-Longa Distancia ata o 26 de febreiro de 2018.


En só media hora, a compañía xa vendera 20.000 billetes, aínda que segundo pasaron os minutos o ritmo de adquisición foi diminuíndo. O pasado mes de novembro, a promoción esgotouse en tan só 39 minutos e o número de consultas na páxina web superou os 3,6 millóns.


270.000 BILLETES EN TODA A PROMOCIÓN


Renfe calcula que, unha vez que peche a venda deste mes de decembro, comercializaría un total de 270.000 billetes de AVE a 25 euros no marco desta iniciativa comercial.


A promoción suscitou un gran interese e demanda entre os viaxeiros desde que se lanzou en abril. De feito, a posta á venda das primeiras quendas de billetes chegou a colapsar a páxina web da operadora, que ampliou a súa capacidade e tomou outras medidas técnicas coas que evitou bloqueos similares no resto dos meses.


Unha vez esgotada esta promoción, os usuarios de Renfe poderán seguir beneficiándose de descontos de ata o 70% das tarifas Promo ou Promo+ que ofrece habitualmente a compañía.


relacionada ​Renfe lanza os últimos billetes de AVE a 25 euros despois da Lotería de Nadal
relacionada Renfe suma a súa 'Cyber Week' á nova oferta de billetes de AVE a 25 euros

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress