A responsabilidade coas mascotas apréndese desde a infancia

A raíz dos orzamentos participativos, os colexios reciben unha campaña sobre a tenza responsable de animais.


|

Mascotas colexioA actividade percorre os colexios. Foto: Concello de Santiago


A concelleira de Mocidade e Benestar Animal de Santiago, Noa Morales, asistiu o venres a unha sesión das aulas de educación canina que imparte a asociación "Só lles falta falar" con motivo dos orzamentos participativos de Mocidade. Esta foi unha das actividades máis apoiadas no proceso de votación do 2017, con 281 puntos. Ten un custo de 15.000 euros.


Esta actividade xa se desenvolveu durante o pasado mes de novembro e as primeiras semanas de decembro nos centros Rodríguez Xixirei e Ramón Cabanillas. No próximo mes de xaneiro pasará tamén por Cluny e polo Centro Sociocultural do Castiñeiriño. Nestas visitas, os nenos e nenas aprenden sobre a tenza responsable de animais de compañía e tamén como mellorar a convivencia e a educación dos propietarios e propietarias e os cans.


A concelleira de Mocidade destacou que "esta actividade resulta ademais moi acaída nas datas nas que estamos, onde é habitual agasallar con animais". O que se busca é ensinarlles aos máis pequenos e pequenas que ter un animal supón unha responsabilidade e uns coidados. Por iso, outra das cuestións que se propoñen é que "aquelas persoas ás que lles gustan o animais pero non se poden facer cargo a tempo completo, teñen diversas formas de colaborar, a través do refuxio de Bando ou doutras asociacións". Noa Morales animou a "apadriñar ou amadrinar animais, o que melloraría moito as súas vidas".


Ademais destas visitas a centros educativos, a actividade inclúe aulas de adestramento canino mensuais no Parque Eugenio Granell e tamén charlas de concienciación en varios parques da cidade.


SÓ LLES FALTA FALAR


"Só lles falta falar" é un club de cans de familia cuxa finalidade é, mediante a educación e o respecto polos demais, a integración das mascotas na sociedade. Modelos como o disco verde, bos veciños ou o good citizens están a funcionar en países tanto dentro de Europa como fóra e veñen demostrando que outro modelo de convivencia é posible.


relacionada Máis da metade dos fogares elixiron adoptar a súa mascota en lugar de comprala
relacionada Os orzamentos participativos de Santiago reciben case 300 propostas válidas
relacionada ​Santiago quere volver ver nenos e nenas xogando na rúa

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE