O musical sobre os Irmandiños de Quique Peón pecha a súa xira
Tras dous anos de percorrido por Galicia, máis de 10.000 persoas viron o espectáculo 'O pder do arcabuz'.
Imaxe de 'Ou poder do Arcabuz'. Foto: Quique Peón Cía Facebook
O musical sobre os Irmandiños, O poder do Arcabuz, da compañía de Quique Peón e coa participación de Xacarandaina, pecha esta fin de semana na Coruña a xira que iniciou hai dous anos por Galicia. Farao con senllas representacións os días 16 e 17 de decembro no Teatro Colón e tras ser visto por máis de 10.000 persoas.
Trátase dun espectáculo que conta coa participación dun cento de artistas en escena: 35 bailaríns, 20 músicos e 40 persoas en coro.
Nel, recréase a historia da Revolución Irmandiña, a revolta protagonizada en Galicia no século XV contra os nobres e que permitiu durante dous anos o goberno "cun poder asembleario", segundo sinalou na presentación do espectáculo o seu director, Quique Peón.
MÚSICA E DANZA
Deste musical, dixo que busca poñer en valor "as nosas músicas e as nosas danzas". Sobre os Irmandiños, subliñou tamén que se trata dun feito "apaixonante" da historia de Galicia. Por outra banda, lembrou que a súa intención coas obras que leva a escena é presentar feitos vinculados "coas lendas e a historia" desta autonomía.
Neste caso, destacou a dificultade do traballo no que se investiu un ano para a súa creación antes da súa presentación co nome de O poder do Arcabuz, facendo referencia á arma utilizada polos nobres para derrotar aos Irmandiños e que supuxo a primeira que usaba a pólvora.
Xunto coa música, a danza e o baile tradicional galego son o elemento principal dun espectáculo que culmina a súa xira, aínda que Quique Peón avanzou que xa traballa noutra obra. "Estamos a mirar cousas", dixo sobre o próximo proxecto da compañía.
Escribe o teu comentario