Case unha ducia de concellos grandes suspenden en servizos sociais

|

Personasinhogar 3



Un total de 11 municipios galegos teñen orzamentos pobres ou precarios en servizos sociais, segundo un estudo da Asociación Estatal de Directores e Xerentes en Servizos Sociais.

A lista, confeccionada a partir de datos do Ministerio de Facenda e Administracións Públicas recolle datos dos 384 Concellos maiores de 20.000 habitantes que presentaron a liquidación do orzamento 2016. Así, clasifícanse atendendo ao gasto acreditado en servizos sociais e promoción social por habitante, á variación interanual do mesmo e ao grao de transparencia con que se mostra aos cidadáns.

En concreto, tres concellos de Pontevedra atópanse na clasificación dos 41 concellos que dan os servizos sociais máis pobres aos seus cidadáns en 2016 --están por baixo do 60% da mediana que destinan todos os municipios españois por habitante e ano, é dicir, menos de 39,69 euros--. Trátase de Cangas (29,7 euros por habitante), Pontevedra (35,36 euros por habitante) e Redondela (38 euros por habitante).


Así mesmo, hai oito concellos galegos na lista dos 65 municipios con orzamentos máis precarios en servizos sociais en 2016 (con investimento menor a 50 euros por habitante). Son os pontevedreses de Vigo (42,4 euros), Marín (41,5) e Lalín (44,7); Ourense (48,8); e os coruñeses de Santiago (49,5), Ribeira (43), Carballo (40) e Oleiros (48,2).

Con todo, segundo os datos provisionais de 2017, tres deses concellos sairían desa lista ao superar os 50 euros por habitante: Santiago (66,5 euros), Oleiros (60,1) e Carballo (53).

relacionada ​A Valedora arquiva os expedientes contra Santiago polas persoas sen fogar
relacionada Jesús Vázquez pacta con Democracia Ourensana o desbloqueo dos servizos sociais

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress