A área sanitaria de Vigo castiga os pacientes que piden o cambio de hospital
A valedora investiga unha queixa que denuncia que o Sergas incumpre os tempos máximos de espera nestes casos.
A valedora do Pobo admitiu a trámite unha queixa formulada pola Asociación da Sanidade de Cangas na que denuncia a "discriminación" que existe no proceso de cambio de hospital da área sanitaria de Vigo.
En concreto, a asociación sinala que cada ano introdúcense elementos para penalizar as solicitudes, como a perda de orde e tempo en lista de espera, ou o impedimento de pedir o cambio cando un paciente xa está hospitalizado, ou iniciou un tratamento de radioterapia ou quimioterapia.
A entidade acusa, deste xeito, ao Sergas de incumprir o decreto de garantía de tempos máximos de espera en atención sanitaria.
Escribe o teu comentario