A Xunta fixa como obxectivo rematar 2018 cunha baixada ata o 14% de paro

O Executivo de Feijóo destaca que no último ano o número de ocupados creceu en 14.600 persoas.


|

Obrerotrabajadorempleo 1


A Xunta de Galicia prevé pechar o próximo ano cunha taxa dun 14 por cento de paro coas políticas de promoción económica e emprego que impulsa o Goberno galego.


Así o destacou este mércores na Comisión 5ª de Sanidade, Política Social e Emprego o director xeral de Orientación e Promoción Laboral, Alfonso Marnotes, en resposta a unha pregunta da deputada do BNG Monste Prado sobre a evolución do número de persoas activas e da taxa de actividade en Galicia nos últimos anos.


Marnotes fixo fincapé en que a cifra de ocupados en Galicia do terceiro trimestre de 2017 "é a mellor desde 2011" e lembrou que os datos da EPA destacan un incremento das persoas activas con respecto ao trimestre anterior na Comunidade galega.


"Galicia está nos vagóns de cabeza", valorou o director xeral, quen engadiu que a Comunidade galega logrou aumentar "os activos no último trimestre".


A deputada do BNG autora da pregunta reprochou ao Goberno galego que siga "instalado no discurso da saída da crise" e que entre 2015 e o terceiro trimestre de 2017 haxa soamente mil persoas máis activas "cando segundo o discurso do PP as cousas están a ir a mellor".


"Hai unha perda de activos polo proceso demográfico", sinalou Prado, quen apostilou que "para o BNG é un auténtico drama para un país" a perda de poboación activa.


Fronte a iso, o director xeral destacou os datos de incremento de poboación activa en Galicia, onde "crece máis que a media do Estado".


RECUPERACIÓN DE EMPREGO


Aínda que recoñeceu que a situación demográfica e o envellecemento da poboación "dificulta" o aumento da poboación activa, subliñou "a recuperación de emprego en Galicia" con máis de 89.700 empregos e un aumento de 14.600 persoas na ocupación na comunidade o último ano.


Ademais, Marnotes apuntou que a Xunta aposta por "atender os compromisos das políticas europeas" en materia de emprego e céntrase en medidas centradas nos perfís profesionais "que se necesitan" no mercado e en actuacións "para formación para o emprego".


Con todo, incidiu en que apostan por "continuar nese camiño" con políticas "de promoción económica e emprego" para pechar o próximo ano cunha taxa de paro do 14 por cento. "O que máis importa son as persoas, non os datos", concluíu.


relacionada Os sindicatos consideran que os datos do paro confirman a "volatilidade" do emprego
relacionada O paro aumenta en 1.846 persoas en outubro en Galicia, un 1% máis que en setembro
relacionada O paro baixa en Galicia case un 10%, o dobre que no conxunto de España

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE