Os centros de saúde de Oroso e Santiago impartirán clases para a prevención de úlceras


|

EnfermeirosPersoal de enfermería


O persoal de enfermería da xerencia sanitaria compostelá impartirá os días 14 e 16 de novembro en Oroso e Santiago de Compostela cursos a coidadores de pacientes inmobilizados para a prevención de úlceras.


Desde a dirección de Enfermería da Xerencia de Xestión Integrada de Santiago ideáronse estes cursos para os coidadores ou familiares de pacientes inmobilizados para dotalos de habilidades e coñecementos para o coidado de persoas impedidas, co obxectivo de evitar úlceras e ser capaces de recoñecer os signos de risco de padecelas. As úlceras son lesións na pel e que non sempre cicatrizan de forma espontanea, acompañadas en ocasións dunha forte dor. Con todo, trátase dun problema facilmente previsible, pero que desde a xerencia Compostela advirten que pode producir ?unha importante diminución da calidade de vida do paciente, un alto custo emocional para o coidador e un gasto económico moi elevado


Os cursos, de tres horas de duración, celebraranse o día 14 no centro de saúde de Oroso e o día 16 no centro de saúde de Vite, en Santiago. As clases estarán impartidas polo enfermeiro do centro de Oroso Javier Rodríguez Igrexas, mentres que en Vite será a coordinadora de enfermería do centro, Oliva Varela Meizoso, a que instrúa aos interesados. 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE