Vigo ten auga para pouco máis de tres meses e activa o plan de emerxencia

Pide aos municipios da súa contorna que se abastecen dos mesmos encoros que adopten tamén medidas de aforro.


|

EmbalsezamansvigoEncoro de Zamáns.


O Concello de Vigo activou o Plan de Emerxencia Municipal para situación de Seca tras constatar que a auga embalsada actualmente nas presas de Eiras e Zamáns garante a subministración para un centenar de días, e adoptará medidas de aforro de auga, que pedirá tamén a municipios da contorna que se abastecen destes encoros.


Así o confirmou este xoves, en rolda de prensa, o alcalde da cidade, Abel Caballero, quen sinalou que, nesta fase de alerta, tal e como recolle o plan municipal, tomaranse medidas como supresión de regas, baldeos, purgas na rede, recomendarase non encher piscinas, e informarase á poboación "non só para que faga un consumo responsable, senón para que haxa un aforro real de auga".


O rexedor olívico explicou tamén que enviará cartas aos alcaldes dos municipios da contorna que se abastecen destas presas, como Nigrán, Baiona, Gondomar, O Porriño, Pazos de Borbén, Redondela, Cangas e Moaña, para que adopten as mesmas medidas de aforro de auga.


Segundo sinalou Caballero, o encoro de Eiras atópase a un 58,27 por cento da súa capacidade, e o de Zamáns, máis pequeno, está a un 44,37 por cento da súa capacidade. Estes niveis supoñen que "hai auga para 104 días".


relacionada A Xunta asume como inevitable que Galicia debe "aprender a vivir coa seca"
relacionada Denuncian "o uso e o abuso por parte de Ence do caudal do Río Lérez"
relacionada Activada a alerta por seca en media Galicia, sen "efectos inmediatos sobre a cidadanía"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE