Atacan cun cóctel molotov a residencia oficial de Feijóo

|

Montepio

Entrada da residencia de Monte Pío.

A Policía investiga unha serie de actos vandálicos rexistrados na capital galega durante a pasada madrugada, cando se lanzou un artefacto incendiario de fabricación caseira contra a residencia oficial do presidente, en Monte Pío, e posteriormente foron causados danos en dous caixeiros automáticos.


Fontes policiais informaron que a investigación está aberta e, polo momento, non hai ningún detido. Fontes municipais, pola súa banda, concretaron que podería tratarse dun mesmo individuo, dado que as características físicas e a vestimenta captadas nas cámaras situadas nas distintas localizacións parecen coincidir.


O artefacto lanzado contra a residencia de Monte Pío --polas características podería tratarse dun cóctel molotov, pero determinarase na investigación-- impactou contra o muro na zona de acceso de vehículos e non causou danos.


O sindicato policial SUP xa alertara da falta de efectivos policiais para se encargar da seguridade nos edificios oficiais.


relacionada O SUP alerta da escasa presenza policial en edificios oficiais de Santiago

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress