'Bos Aires celebra Galicia' con miles de galegos emigrados
Cargos da Xunta participaron un ano máis na celebración da colectividade galega de Arxentina.
A Avenida de Maio, escenario da celebración. Foto: @ARueda68
O vicepresidente da Xunta, Alfonso Rueda, e o secretario xeral da Emigración, Antonio Rodríguez Miranda, asistiron este sábado aos actos de celebración do 'Bos Aires celebra Galicia', que un ano máis congregou a miles de galegos da colectividade arxentina na Avenida de Maio bonaerense.
Previamente aos actos, nos que tamén participou o embaixador de España en Arxentina, Javier Sandomingo, Rueda e Rodríguez Miranda asistiron á misa levada a cabo na catedral metropolitana de Buenos Aires, coa que empezaron as celebracións.
Ao longo da xornada, miles de galegos congregáronse para celebrar os actos de conmemoración, nos que se fai un recoñecemento especial á comunidade galega asentada no país arxentino.
Escribe o teu comentario