Administracións públicas e institucións celebran que o Estado estude recorrer a sentenza que indemnizaría aos Franco

O Concello de Sada ou a Iniciativa Galega pola Memoria celebran este cambio de parecer despois de que o Goberno de España sopesase durante moito tempo non recorrer a sentenza. 

O Goberno de Sada chama agora a lograr a unanimidade da cámara galega para que a Xunta sómese ao recurso ante o Tribunal Supremo. 

Pazo de Meirás | Foto: EP

O Concello de Sada (A Coruña) agradeceu o "cambio de criterio" do Estado tras a decisión, fronte ao criterio inicial, de recorrer o fallo da Audiencia coruñesa sobre o pazo de Meirás, que recoñece o inmoble como parte do patrimonio público, pero obriga ao pago de indemnización aos Franco.

Nun comunicado, insta agora a un "acordo unánime" no Parlamento galego para que a Xunta sómese ao recurso ante o Tribunal Supremo.

Por outra banda, remarca que o Concello de Sada foi "a primeira institución en considerar a posesión dos Franco como de mala fe, debendo ser unha pretensión da demanda xudicial e un pronunciamento da sentenza en tal sentido".

Ademais dos escritos remitidos ás distintas institucións implicadas, para que se presentase un recurso que o alcalde, Benito Portela, xa anunciou no seu momento por parte do consistorio, recoñece e valora "a transcendencia da mobilización social".

"De colectivos, entidades e cidadanía en xeral demandando a interposición de recursos e instando a recorrer a sentenza da Audiencia Provincial", engade.