Estrean "con éxito" o quirófano híbrido do Cunqueiro cunha cirurxía vascular
A nova instalación acollerá 500 das 600 intervencións deste tipo do hospital. O paciente recibirá a alta esta semana.
Quirófano híbrido do Cunqueiro.
O servizo de Angiología e Cirurxía Vascular do Complexo Hospitalario Universitario de Vigo estreou "con éxito" o novo quirófano híbrido do Hospital Álvaro Cunqueiro cunha intervención de cirurxía vascular a un paciente con aneurisma aorta abdominal, que evoluciona favorablemente e esta mesma semana será dado de alta.
Así o comunicou o Sergas, que comunicou que nas novas instalacións, que contan co segundo sistema radiolóxico robotizado que funciona no mundo con estas características, prevense realizar máis de 500 intervencións do total de 600 que realiza anualmente o servizo de Cirurxía Vascular.
O xefe do servizo, José Manuel Encisa, manifestou que están "moi satisfeitos" con esta operación e subliñou que este é "o quirófano máis complexo e avanzado dos que hai en España", cun equipamento tecnolóxico cunhas prestacións que "son espectaculares e permiten realizar unha cirurxía máis rápida, precisa e segura".
En concreto, esta sala conta cun arco de radioloxía de altas prestacións que se reprega cando non é necesario. Este aparello ofrece maior resolución de imaxe e permite reducir a exposición á radiación de pacientes e profesionais; integrar imaxes de TAC realizadas previamente; e realizar técnicas máis complexas.
Escribe o teu comentario