Renfe incorpora Lugo, Ourense e A Coruña á súa oferta de Trens Turísticos

Tren turístico de Renfe.

Os Trens Turísticos de Galicia, que puxo en marcha Renfe o pasado verán en colaboración coa Axencia de Turismo da Xunta de Galicia e o Instituto Ourensán de Desenvolvemento Económico, amplían os seus percorridos durante este outono ás cidades da Coruña, Lugo e Ourense.

Nun comunicado, os promotores desta iniciativa afirman que esperan que as novas propostas "consigan tan boa acollida como as desenvolvidas durante o verán e que permitiron descubrir a moitos viaxeiros algúns puntos de interese da xeografía galega".

Unha das propostas que se pon en marcha este outono consiste en descubrir a cidade Lugo mediante a 'Ruta Lugo Romano', que conta con dúas saídas desde A Coruña (e achegamento opcional desde Santiago), unha o 30 de setembro e outra o 28 de outubro.