O Celta aférrase á estatística para superar o Alavés

Un Celta-Alavés da campaña pasada. Foto: RC Celta

En Vigo esperan que a primeira vitoria da tempada chegue este domingo, na visita do Alavés a Balaídos, e borre os recordos pasados.

A pesar de que o equipo vasco eliminou en semifinais da Copa do Rei aos celestes, o Celta saca a relucir un decálogo de estatísticas que presaxian o desquite.

Entre as cifras, destacan que "O Celta non perdeu nunca como local ante o Alavés. Nas nove ocasións nas que se enfrontaron en Balaídos en Liga os celestes lograron 6 triunfos e 3 empates".

Tamén insisten na capacidade goleadora dos seus xogadores. "O dianteiro celeste Maxi Gómez é actualmente o líder do Trofeo Pichichi con 3 goles", lembran.

E presumen de canteira: "Iago Aspas debutou en Balaídos nun Celta-Alavés de Segunda División no ano 2009 (2-1). O canteirán saltou ao terreo de xogo no minuto 59, marcou os dous goles dunha vitoria crave para conseguir a permanencia e converteuse nunha lenda do celtismo".