O TC suspende a convocatoria do referendo e notifícallo aos alcaldes

Bandeira española ante o TC.

O Pleno do Tribunal Constitucional admitiu a trámite os catro recursos presentados polo Goberno contra a lei e a convocatoria de referendo, o que se traduce na suspensión cautelar da vixencia dos ditos acordos.

Nas resolucións apercíbese a máis dun milleiro de cargos políticos --uns sesenta altos mandatarios da Generalitat e os 947 alcaldes da Cataluña-- do seu deber de impedir ou paralizar calquera iniciativa tendente á organización do referendo.

A petición faise extensiva aos responsables dos medios de comunicación públicos cataláns (Cataluña Ràdio e TV3) e a responsables dos Mossos como son Josep Lluís Trapero e o director xeral do corpo Pere Soler I Campins.

"UN TSUNAMI DE QUERELAS"

O presidente da Generalitat, Carles Puigdemont, avisou este xoves ao presidente do Goberno, ao Tribunal Constitucional e á Fiscalía de que organizará o referendo sexan cales sexan as impugnacións que poñan encima da mesa: "Ante un tsunami de querelas haberá un tsunami de democracia".

A ANC, pola súa banda, lanzou a web 'joconvoco.cat' co obxectivo é lograr que máis de 100.000 cidadáns asinen simbólicamente un decreto de convocatoria virtual.

Amplía esta información en Catalunyapress.