Novo recurso ante a Xustiza europea pola resolución do Popular

|

Bancopopular

Terceiro recurso contra a resolución do Popular.

O despacho Rúa Avogados presenta este xoves un terceiro recurso contra a resolución do Popular, decidida pola Xunta Única de Resolución o pasado 7 de xuño, ante o Tribunal Xeral da Unión Europea (TXUE) debido ao elevado número de solicitudes que recibiu.


O bufete, que xa presentou senllos recursos os pasados 5 e 7 de agosto, analizou o regulamento do TXUE, que no seu artigo 60 establece unha prórroga de dez días para presentar un recurso "por razón da distancia", segundo explicou o socio-director da firma, Pablo Rúa. Así, os recursos poderán presentarse ata este xoves, segundo o despacho.


A firma habilitou unha plataforma na súa web mediante a cal os accionistas puideron sumarse ao recurso desde o 11 de agosto ata o pasado martes ás 23.59 horas.


"É a mellor forma de tramitar o elevado número de solicitudes que temos", sinalou Rúa, en cuxa opinión o despacho "redobrou esforzos para non deixar a ningún afectado fóra da reclamación", a pesar de que "os prazos son breves".

relacionada O Popular ía ser "incapaz de pagar as súas débedas no futuro próximo"
relacionada A resolución do Popular chega ante a Xustiza europea

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress