Un estudo relaciona a inflamación do cerebro co desenvolvemento de Alzheimer
Un grupo de investigación cántabro sinala que este fenómeno xogaría un papel central na enfermidade e pode ser clave para novos fármacos.
O estudo pode dar lugar a novos fármacos.
Un grupo de investigación de enfermidades neurodexenerativas de cantabria participou nun estudo internacional que suxire que a inflamación do cerebro xogaría un papel central na enfermidade de Alzheimer.
O principal achado deste estudo, publicado na revista 'Nature Genetics' consistiu no descubrimento de dous novos xenes (PLCG2 e ABI3) e unha nova variante dun xene xa coñecido (TREM2), asociados á enfermidade de Alzheimer.
O interese dos resultados vén determinado polo feito de que estes tres xenes forman parte do sistema de inmunidade innata e exprésanse de forma predominante nas células do sistema inmune que se atopan no sistema nervioso central coñecidas como microglia.
Estas células son as principais protagonistas na regulación dos fenómenos inflamatorios que teñen lugar no cerebro, centrando a atención neste proceso como un dos factores causais da enfermidade de Alzheimer e susceptible de ser diana para o desenvolvemento de novos fármacos.
Escribe o teu comentario