Adrián López pasa recoñecemento médico para quedar unha tempada

Adrián regresa ao Dépor seis anos despois.

"Sempre é complicado pelexar co Porto para arranxar as cousas, pero o importante é que xa estou aquí, con moitas ganas de emepezar". Foron unhas das primeiras palabras de Adrián López no seu regreso ao Dépor, ao que chega cedido por unha tempada.

O dianteiro asturiano pasou esta mañá recoñecemento médico co club herculino. Adrián non viaxa a Tenerife para o amigable que esta noite xoga o equipo, pero o seu desexo é "adestrar xa, se podo hoxe, adestrarei hoxe".

A pesar de contar con ofertas económicas mellores que a do club coruñés, o xogador valorou a chamada de Pepe Mel. "Díxome que lle gustaría moito que viñese e sempre é importante que o adestrador che transmita iso", declarou.

No medio, as dificultades para negociar a cesión. "Fixen todo o posible para estar aquí, que se arranxase custou un pouco pero finalmente fíxose", explicou.

Agora as súas expectativas pasan por "facer goles e dar goles", aínda que considera que o máis importante é a entrega: "un equipo traballador sempre consegue os seus puntos".