O Celta cae no seu regreso a un Balaídos case baleiro
Nin 6.000 espectadores había nas bancadas para ver o XXII Memorial Quinocho, que se xogou ás 7 e media da tarde
Pouco máis de 5.700 afeccionados nas bancadas.
O Udinese adxudicouse o XXII Memorial Quinocho tras superar ao Celta desde o punto de penalti tras o empate (1-1) rexistrado no encontro. Maxi Gómez marcou ao fío do descanso e De Lima empatou a falta de cinco minutos para o final na única chegada do cadro visitante. No descanso do encontro presentáronse os equipos das categorías inferiores do club, ante un estadio con pouco máis de 5.700 espectadores.
O equipo local dominou a posesión durante a primeira metade con folgura, aínda que non atopou con facilidade ocos na zaga dun replegado Udinese. Xa ao fío do descanso, Maxi Gómez aproveitou un rexeite para anotar o primeiro tanto do parrido.
Tras a continuación, con cambios constantes, os celestes mantiveron o dominio do encontro, sen apenas encaixar ocasións en contra, aínda que tampouco con demasiadas a favor. De Lima empatou o partido a falta de cinco minutos na única chegada do cadro visitante. Os célticos tentárono sen fortuna ata o final.
O Trofeo decidiuse desde o punto de penalti. Os italianos estiveron máis acertados e levaron o Memorial Quinocho.
Podes ver os mellores momentos do choque no vídeo do Udinese:
O Celta de Unzué prepara a súa reaparición en Balaídos
Os plans de Unzué pasan por "moita máis saída de balón e máis posesión"
Escribe o teu comentario