Os prezos dos hoteis galegos baixan un 23% en setembro

Setembro é o mes de verán no que os hoteis galegos contan con habitacións máis alcanzables, con baixadas de prezos de ata o 23%, segundo unha análise realizada por TripAdvisor. No conxunto estatal, os prezos caen ata un 43%.

O portal 'online' sinala que as tarifas dos hoteis sufrirán unha diminución significativa en setembro fronte a agosto. De media, os hoteis españois son un 19% máis baratos en setembro que en agosto, chegando a baixar ata un 43% en Cantabria. Durante o mes de agosto, a tarifa media por noite en España é de 191 euros, mentres que en setembro a tarifa media por noite será de 154 euros.

Aínda que se observa unha caída xeral dos prezos hostaleiros españois en setembro, a zona norte do país é a que rexistra a maior caída de prezos, cun 43% en Cantabria, un 38% en Asturias e un 23% en Galicia.

Pola súa banda, Baleares e Canarias mostran unha baixada nos prezos dos hoteis en setembro, de ata un 30% en Baleares e dun 19% nas Illas Canarias. Noutras rexións con turismo de praia como Murcia, Comunidade Valenciana e Andalucía, os prezos baixarán un 30%, 25% e un 13%, respectivamente.

"No pasado, pensabamos en setembro como o mes da 'volta ao traballo', pero agora podemos ver que tamén é un mes no que aforrar significativamente no noso orzamento de viaxes", comenta a responsable de comunicación de TripAdvisor, Branca Zayas.