Sada impulsa a petición de que o concello xestione as visitas a Meirás

|

PazomeirasO Parlamento debaterá se recuperar o Pazo de Meirás.


A formación local Sadamaioría manifestou este sábado o seu apoio ao goberno municipal de Sada para que sexa este o que xestione as visitas ao Pazo de Meirás e o contido das mesmas, e non a Fundación Francisco Franco.


Con iso, a agrupación pretende evitar que se reescriba a historia "enxalzando a figura do ditador e os longos anos de infamia da ditadura".


O alcalde de Sada, Benito Portela, tal e como declarou á Cadena Ser, enviou unha carta á Xunta reiterando a súa intención de xestionar as visitas ao Pazo de Meirás, despois de transcender que os herdeiros do ditador encargaron a súa xestión á Fundación Francisco Franco.


A través dun comunicado, Sadamaioría uniuse así ao rexeitamento a que a Fundación Francisco Franco xestione as visitas ao Pazo de Meirás, un día despois de que En Marea e o BNG denunciasen o mesmo feito no Parlamento galego.


Segundo sinalou, a administración da propiedade por parte da fundación, que busca "a difusión da memoria e a obra de Francisco Franco", "non fai senón profundar na burla e no insulto ás vítimas da ditadura, á memoria histórica e á propia cidadanía".


Por último, Sadamaioría mostrou o seu respaldo a En Marea "en cantas iniciativas parlamentarias sexan posibles para recuperar o pazo". Criticou, ademais, a "pasividade" da Xunta "neste asunto" e pediu "compromiso", xa que, en palabras do grupo, "o réxime de visitas do Pazo de Meirás é da súa competencia".


Tamén o BNG presentou unha batería de iniciativas parlamentarias para tratar de reverter "o disparate" de que a Fundación Francisco Franco xestione o Pazo de Meirás.


A portavoz parlamentaria de Cultura do Bloque, Olalla Rodil, manifestou que lle parece "un insulto á memoria das vítimas da ditadura fascista e á dignidade de Galicia".


Ademais, o BNG mostra o seu rexeitamento a que o inmoble continúe en mans da familia Franco "como unha illa de impunidade" e advirte de que reclamará na Cámara a creación dunha comisión que estude a devolución da obra "aos seus lexítimos propietarios, o pobo de Sada".

relacionada O "bloqueo institucional" da devolución do Pazo de Meirás tópase coa sociedade civil
relacionada A Fundación Francisco Franco faise coa xestión das visitas a Meirás
relacionada A Deputación de Ourense retíralle por fin a Medalla de Ouro a Franco

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE