Desaloxado un edificio en Salvaterra por un incendio na primeira planta
Dous veciños tiveron que ser trasladadas ao hospital por respirar fume. Unha das mascotas non puido ser salvada.
O incendio xerou alarma na localidade. Foto: @BraisRodrguez1
Dúas persoas foron trasladadas ao Hospital Álvaro Cunqueiro de Vigo e o resto de veciños do mesmo inmoble, situado en Salvaterra de Miño, foron desaloxados, despois de declararse un incendio nunha vivenda da primeira planta.
Segundo informou a Europa Press o 112 Galicia, sobre as 12,50 horas deste venres un particular avisou de que vía "moito fume negro" saír por unha xanela dunha vivenda da rúa Castelao, concretamente no número 17.
Como consecuencia, foron desaloxadas varias persoas e outras dúas tiveron que ser trasladadas ao Hospital Álvaro Cunqueiro, afectadas supostamente por inhalación de fume. Ademais, na vivenda na que se produciu o lume había varios animais e un deles, un cachorro de can, faleceu.
Desde o CAE 112 deuse aviso do ocorrido a Urxencias Sanitarias de Galicia-061 e aos bombeiros de Ponteareas, Baixo Miño e Monçao (Portugal).
Desaloxan unha escola infantil de Vigo por un incendio na súa fachada
Explosión sen feridos graves nun piso de Vigo
Escribe o teu comentario