Por que aumentan os problemas cardíacos entre os mozos? Os expertos teñen a resposta a esta tendencia

Dun tempo para acó son cada vez máis frecuentes os eventos cardiovasculares en persoas novas. É unha tendencia sostida ao longo dos anos e os expertos estudan os motivos polo que xente sen atecedentes coñecidos nin sinais previos sofren estes episodios do corazón, que poden resultar fatais. Desde Quirónsalud estudárono detidamente e atoparon unha serie de patróns que poden favorecer a aparición destas doenzas.

As CAUSAS

O doutor Rodrigo Medina, especialista do Servizo de Cardiología do Hospital Quirónsalud Miguel Domínguez, apunta a varios factores que provocaron este "aumento real de eventos cardiovasculares en adultos novos, como o infarto de miocardio e outros cadros de orixe coronaria". 

Nun contexto no que a capacidade diagnóstica é cada vez maior, existen unha serie de factores de risco mal controlados e de hábitos prexudiciais para a saúde que poden estar estreitamente relacionados. "O problema é que moitos pacientes non se perciben en risco e chegan sen un control previo", lamenta Medina. 

Así, a hipertensión, as alteracións do colesterol, a obesidade ou os primeiros trastornos do metabolismo poden evolucionar de forma silenciosa, sen síntomas, complicando o diagnóstico de moitas persoas. En cambio, outros factores, como o tabaquismo ou o sedentarismo, tamén se atopan ligados á aparición de problemas cardiovasculares e son, a xuízo de Medina, "un dos determinantes máis consistentes do infarto prematuro", e mete tamén o vapeo neste saco. 

Non se trata dun tema menor, pois en España, as enfermidades cardiovasculares seguen sendo a principal causa de morte. Os datos do Instituto Nacional de Estatística (#INE) así o reflicten: 3 de cada 10 mortes no país son por mor destas doenzas.

SINAIS DE ALARMA

Os expertos chaman á poboación a ser especialmente sensibles con este problema de primeira orde e tomar nota daqueles sinais de alerta que poden aventurar un episodio desta clase. A dor torácica pode ser intermitente ou pouco intenso. Habitualmente acompáñase con síntomas menos específicos, como fatiga, palpitaciones, molestias no pescozo, a mandíbula ou as costas. 

"En pacientes novos é habitual que estes síntomas se atribúan á tensión ou á ansiedade, o que atrasa a consulta e, en consecuencia, o diagnóstico", asevera Medina, que insiste en que a prevención é a mellor arma: "Identificar e controlar os factores de risco antes de que aparezan os síntomas é fundamental para reducir a probabilidade de eventos cardiovasculares".