O Celta e Abanca negocian con Balaídos polo medio

O presidente do banco non adianta nada sobre os contactos, pero mostra o seu interese por chegar a acordos.


|

MourinoescotetabancaceltaMouriño e Escotet reuníronse a finais de xuño. Foto: RC Celta


O presidente de Abanca, Juan Carlos Escotet, avanzou que a entidade financeira está inmersa en negociacións co Real Club Celta, co que aspira a chegar a acordos como xa fixo co Deportivo, aínda que descartou achegar máis datos e limitouse a apuntar que "as demandas e necesidades de cada equipo son completamente distintas".


Así se pronunciou nunha rolda de prensa celebrada este xoves en Vigo, ao ser cuestionado sobre se ten previsto chegar co Celta a un acordo similar ao do club coruñés, ao que financiará con 45 millóns de euros para reestruturar a súa débeda e fortalecer o seu proxecto institucional e deportivo, e cuxo estadio pasará a chamarse Abanca-Riazor.


Escotet recoñeceu que "todo o que sexa deporte, e ademais o fútbol é probablemente o deporte estrela e o que mais afección xera, é interesante"; por iso, manifestou que están inmersos nun proceso de negociación. "Estamos no uniforme, e aspiramos a seguir", recalcou.


Ao ser preguntado se, como pasou co estadio coruñés, en Vigo están a buscar unha fórmula para renombrar o campo de Balaídos, de propiedade municipal, o presidente dixo que non pode responder, e limitouse a agregar: "Estamos a facer os nosos mellores esforzos pero esa decisión non depende de nós".


Finalmente, tras insistir en que non pode "adiantar novas cousas", aclarou que os acordos aos que aspira co Celta "non se pode dicir que --sexan-- iguais" aos do Deportivo, porque as súas necesidades "son completamente distintas".


"O Deportivo é un equipo con capital moi atomizado, e o Celta ten un control accionario moi claro e xestión francamente impecable", selou.

relacionada Mouriño acepta negociar a concesión do estadio de Balaídos
relacionada O Celta traslada a súa pretemporada dez días fóra de Galicia

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE