O Celta traslada a súa pretemporada dez días fóra de Galicia
Unzué leva a todos os xogadores á xira por Inglaterra e Alemaña, incluídos Marcelo Díaz e o Tucu Hernández cando rematen as súas vacacións.
Os xogadores, á chegada a Inglaterra. Foto: RC Celta.
A pretemporada do Celta trasládase desde este mércores a Inglaterra. Os celestes viaxaron á illa británica desde o Aeroporto de Vigo cara ao condado de Leicestershire, onde se concentrarán durante dez días no Hotel Champneys Health Spa, tal e como informa o club na súa web.
Ao equipo agárdalle unha programación intensa de adestramentos, con moitas dobres sesións, e varios partidos amigables: dous en Inglaterra, contra o Brentford e o Burnley, e un en Alemaña, ante o Bayer Leverkusen.
Á xira, Unzué leva a todo o persoal, incluído Álex López, co que non conta, e tres canteiráns. Á expedición uniranse tamén Marcelo Díaz e Tucu Hernández cando rematen as vacacións.
Jonny reincorpórase tras as vacacións e volven os rumores
Unzué: "Vexo unha actitude fantástica en todos os xogadores"
Escribe o teu comentario